الثلاثاء، 5 أكتوبر، 2010

الى كل زوارى الاعزاء

السلام عليكم ورحمة الله وبركاته

بعد التحية الطيبة اتقدم لسيادتكم بكل الاسف

لاعلن لسيادتكم عن وجود خطأ فنى فى مدونة بالنور

www.belnoor.blogspot.com

وقد تم تغيير تردد المدونة الى

www.belnour.blogspot.com

محتفظة بنفس الاسم
كما شمل نقل تردد المدونة على بعض التطويرات والتغييرات

فى انتظاركم فى مدونة بالنور

belnour


الأربعاء، 15 سبتمبر، 2010

الاهلى والاسماعيلى .. حصريا .. هنا وبس

السلام عليكم ورحمة الله وبركاته

زوار مدونة بالنور الاعزاء كل عام وانتم الى اله اقرب وعلى طاعته ادوم

وبما انى نسيت اعيد على حضراتكم فى العيد وقلبت العيدية (هههه)

خلاص بقى متزعلوش انا هاصالحكم واراضيكم

بحاجة ليكم بس انتم وبس

مباراة الاهلى والاسماعيلى واللى مش هتلاقوها فى مكان تانى غير هنا

هنا وبس

بسم الله نبدأ:

صور الجمهور والاستاد ودخلة المباراة








وقد شهدت المباراة 3 بطاقات صفراء منهم اثنين لوائل جمعه والاخر لبركات




وانتهت المباراة بنتيجة هدفين لهدف لصالح الاهلى مع وجود هدف صحيح 

 لم يحتسب او ركلة جزاء واضحة لابو تريكه

تقدم الاهلى اولا عن طريق بركات بعدما اهدر احمد صديق ركلة جزاء

ثم زاد جدو الهدف التانى مطمئنا جماهير الاهلى

وفى نهاية الوقت الاصلى استطاع جودوين من احراز هدف حفظ ماء الوجه للدراويش

واليكم التفاصيل

الهدف الغير محتسب

video


اهدار ركلة الجزاء

video

هدف الاهلى الاول

video


هدف الاهلى الثانى

video


هدف الاسماعيلى الوحيد

video

السبت، 28 أغسطس، 2010

ليه ميكونش باهى !!


ليه ميكونش باهى !!

جملة قريتها اكتر من مرة ولفتت نظرى كتيير لا ومش انا بس

ده كمان كل اللى انا اعرفهم من بلدى .. واى حد من حبايبى 

جالى بلدى ..

 يا ترى ايه الجملة دى ؟؟

ببساطة اقولكم هيا جملة موجوده على بوستر احد المرشحين

فى انتخابات مجلس الشعب .. والمرشح ده من بلدنا .

طيب ايه اللى فيها ؟؟

اللى فيها انى عايز اقول الناس بترشح نفسها ليه ؟؟

هدفهم ايه ؟؟

وايه نواياهم ؟؟

طيب دى تنفع تبقى شعار حملة مرشح ؟؟

ليه ميكونش باهى ؟؟

جملة زعلتنى جدا بس مش زعلتنى على المرشح

لا .. مش جديد عليهم

انا زعلت على الشعب اللى بقت دى طريقته !!

طريقته فى الاختيار .. ليه ميكونش باهى ؟؟

بس كده

هو ده اللى انت بتقوله

طيب والناس اللى هتنتخبه برده بتنتخبه على اساس ايه ؟؟

انه ليه ميكونش ؟؟

طيب ياريت على كده

لما الاقى مرشح من بلدنا برده

عامل بنر وواقف هو على يمين البنر والريس على الشمال !!

طيب انت قصدك ايه ؟؟

واخده قدوة مثلا .. يبقى متستاهلش !!

طيب عامله كده علشان الناس بتحبه تقوم تنتخبك ؟؟

طيب الناس مهى مبتحبوش ؟؟

طيب عامله علشان ايه ؟؟

حد يقولى

لانى مش لاقى اى سبب غير انه ..

نفااااااااااااااااااااااااااااااااق

وعلى اعلى مستوى كمان

طيب ياريتها بقت على قد كده 

لما الاقى المرشح حاطط صورته على يمين البنر 

وعلى الشمال حاطط صورة جمال مبارك ؟؟

والله اتصدمت

واحسرتاه على المسلمين

خلاص وصل النفاق للحد ده ؟؟

طيب وهو حضرته ده حاطط صورة جمال بمناسبة ايه ؟؟

حد يقولى علشان مظلمش ؟؟

حد يقولى !!

ياريت حد يقولى !!

اتمنى حد يقولى !!

مستنيكم تقولولى ..

الخميس، 26 أغسطس، 2010

رمضان والقرآن .. ماذا بعد !!


رمضان والقرآن .. ماذا بعد !! 





احبتى فى الله السلام عليكم ورحمة الله وبركاته ؛

كل عام وانتم بخير بمناسبة شهر رمضان المبارك

طيب قديمة دى .. هات حاجة جديدة ..

ماشى اللى يريحكم .. كل سنة وانتم طيبين

بس عارفيين ليه ؟؟

بمناسبة ختم القران الكريم اللى مرة واللى 2 واللى اكتر

ربنا يعينكم ويتقبل منكم.

بس انا ايز اقول حاجة ... ممكن ؟

طبعا كلنا عارفينن فضل قراءة القران

واذكركم بقوله صلى الله عليه وسلم :

عن ابن مسعود رضى الله عنه قال: قال رسول الله صلى الله عليه وسلم(من قرأ حرفا من كتاب الله فله حسنة, والحسنة بعشر أمثالها لا أقول{ألم} حرف, ولكن : ألف حرف,ولام حرف, وميم حرف).أخرجه الترمذي.

أأكثر من هذا فضل لقراءة القران ؟؟

لكن لو تمهلنا قليلا لوجدنا الكثير ..

لماذا يحثنا الرسول صلى الله عليه وسلم على قراءة القران ؟؟

هل فقط لقراءته ؟؟

ام لغرض اخر ؟؟

هل نحن نقرأ القران فقط من اجل حسنات القراءة ؟؟

وهل لهذا انزله رب العالمين ؟؟

الاجابة ... لا

ما نزل القرآن حتى نقرأه وفقط

ما نزل القرآن حتى نختمه وفقط 

كل هذا ما هو الا تحفيزا لنا حتى نقرأ و ....

نتدبر ..

نتدبر ..

نتدبر ..

قال تعالى : "كتاب أنزلناه إليك مبارك ليدبروا آياته ، و ليتذكر أولو الألباب"

فقراءة القران ليست الغاية .. لكنها وسيلة

وسيلة للتدبر.

يارب اجعلنا من المتدبرين وارفعنا بالقران

واحيينا بالقران وامتنا بالقران.

وكل عام وانتم بخير




الأربعاء، 25 أغسطس، 2010

كل عام وانتم بخير ... رمضان كريم



... رمضاااااااان كريم ...


بسم الله الرحمن الرحيم .. والصلاة والسلام على خير المرسلين

وامام المتقين المبعوث رحمة للعالمين

سيدنا محمد وعلى اله وصحبه اجمعين ؛ ثم اما بعد:

احبتى فى الله السلام عليكم وحمة الله وبركاته

قد حل علينا فى الايام الماضية ضيف كريم .. عظيم ..




 ينتظره كل الناس

كل الناس..

لكن كل على طريقته..

فمنهم من ينتظره بالمسلسلات ..

ومنهم من ينتظره بالسهرات..

ومن ينتظره بالتجارة ..

تجارة الربح الدنيوى

وتجارة الربح مع الله

فمع اى طائفة انت ؟؟

لكن انتبه !!

قبل ان تجيب اريد ان اذكرك..

نعم اذكرك بقول النبى صلى الله عليه وسلم

"خاب وخسر من ادرك رمضان ولم يغفر له "

ليس هذا فحسب ..

بل قال ايضا صلى الله عليه وسلم

رغم انف ثم رغم انف ثم رغم انف من ادرك مضان ومن يغفر له

اللهم اغفر لنا فى رمضان ولا تجعلنا من الخاسرين الخائبين